Ποίημα του αναγνώστη μας Ιορδάνη Στεφανίδη, με αφορμή τη συνέντευξη που παραχώρησε στο pontos-news.gr και την Πόπη Παπαγεωργίου η Θία Χάλο.
Έκαψαν το χωρίον εμουν
τσετέδες, Τοπάλ Οσμάν θερία
‘ς σον Αη Αντών’ π’ επέμνανε,
έσυραν εξορίαν…
Δυο μήνας επορπάτναμε
‘ς σα χιόνε, σα ρασία,
ναηλοί έντσαν έρρουζεν αφκά
‘ς σο μεσοστράτ’ ταφία…
Ούλ’ τ’ εμετέρ’ εχάθανε,
μειζετέρ’ και παιδία,
τον Θεόν επαρακάλανα
να παίρ’ τ’ εμά τα ψύα…
Τ’ όνομα μ’ πα ενέσπαλα,
μικρόν έμνε κορτσόπον,
και τα γεράδες έβραν εμέ
με ραϊσμένον ψυόπον….
Ατόν τον κόσμον φώταξον
Θεέ μ’ παρακαλώ σε,
να δί’εις Ειρήνην ση λαούς
Χριστέ μ’ Σταυροφιλώ σε…
Για να μη χάται η γλώσσα τη ψύ’ς εμουν,
Ι.Στεφανίδης
