Αγαπητοί, φίλοι,
Επειδής εξόν ας σα εμβόλια ‘κ’ ευρέθαν άλλα φάρμακα να κρουν τον κορονοϊόν, έσπασα το κιφάλι μ’ και άμον παλαιός φαρμακοποιός εύρα έναν κι άλλο.
Πασκείμ’ πιάν’ ατό και γλιτώνουμε.
Εμεύω τη νύφες η πορδή ‘ς’ σο κόμικ «οι πορδαλάντ’» ντ’ εποίκα να επορεί κ’ ευτάει τη δουλείαν.
Άμα ακούει ο ετεψίεις ατό την πορδήν, επορεί αχπαράεται και πάει χάται και γουρταρεύκουμες κ’ εμείς και όλεν ο κόσμον.
Επορεί με πορδές άμον ντο λένε, ωβά ‘κι πογιατίουνταν, άμα για το καλόν τη νέας χρονίας εθαρώ θα ‘ίνεται η δουλεία.
Αέτσ’ κι αλλέως άλλο ας σα πορδάς ‘κι ακούνε τ’ ωτία μουν, ας ευτάμε έναν κι άλλο προσπάθειαν.
Αμήν, Παναΐα μ’, αμήν.
Να είστουν καλά, καλήν χρονίαν να έχουμε με υείαν και ευλοΐαν.
Γεώργιος Μ. Κωνσταντινίδης
Καλαμαριά 2021
